Kamis, 09 Desember 2010

PESTA GOTILON


TATA IBADAH PESTA GOTILON

1. Votum
P          : Marhite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na manompa langit dohot tano on, dipasaor ma dameNa tu tondita. Amen. (Rap ma hita mandok tangiangta i).
J           :  Ale Jesus Tuhannami, bereng hami na dison : PinarmahanMi do hami saluhutna na dison; sai asi rohaM di hami, sai pangolu hami on. Amen
2. Marende BE. No. : 12:7+15
3. Ayat + Tangiang
P          : Dungi bahenonku ma nasida dohot angka na humaliang dolokdolokKu gabe pasupasu, jala ahu parohon udan di tingki halehettanna, gabe angka udan parpasupasuan do i. Jala lehonon ni hau di ladang do parbuena, jala lehonon ni tano i do gogona, jala marsonangsonang nasida di tanonasida i, ninna Tuhan Jahowa.
Ama    :  Mauliate ma rohanami tu Ho, ala diparmudu, diramoti jala dipasupasu Ho sude na tinompaMi marhite asi dohot holong ni rohaM. Sai suanhon jala patorang ma tu hami pasupasuMi marhite Tondi Porbadia i. Asa lam tau hami manjalo sude asi ni rohaM na godang i.
Ina      :  Buhai ma rohanami, asa hutanda hami sude denggan ni basaM, na mangalehon tu hami godang ni parbue ni na niula ni tangannami sian hauma dohot sian porlak, asa adong hangoluannami siganup ari.
P          :  Mauliate ma rohanami tu Ho, ala naung hu jalo hami sude na i sian Ho.
J           :  Na mangido ma hami tu Ho, sai urupi ma angka dongannami na so dapotan parbue ni na niulana dohot na di bagasan hagogotan asa unang mandele nasida, alai na tontong marsihohot mangalualu mangasahon pangurupion na sian Ho.
P+J      :  Sai sungguli jala buhai ma roha ni saluhut halak Kristen manarihon angka dongan na di bagasan hagogotan. Sai lam tambai ma asi ni rohaM dohot pasupasum di hami, asa lam ringgas hami pasangaphon dohot mamuji Ho, marhite Tuhan Jesus Kristus Tuhannami. Amen.
3. Marende BE. No. 66:1
4. Jamita : Hesekiel 34:26-27, 30
5. Marende BE. No. 192:2
6. Tangiang Pamujian
7. Marende BE. No. 373:1--  (papungu pelean + Pasahat Silua)
8. Tangiang Panutup
P          : Ale Tuhan Debata, Amanami Pardengganbasa, jala haroro ni saluhut nasa ulibasa.
J           :  No ro do hami nuaeng mandok mauliate tu Ho, ala dipasupasu jala dilehon Ho do udan dohot las ni ari di tingkina be pabornokkon na huula hami, gabe dapotan parbue hami sian hauma dohot ladang i.
P          : Marlas ni roha do hami pasahathon sian pasupasuM i tu Ho marhite Huriam on. Asi ma rohaM, ale Debata, sai jalo ma i gabe pelean na hushus na tau pasangaphon Ho.
J           :  Mauliate ma di Ho, ala di ramoti Ho hami dohot angka na huula hami, jala dipalua Ho hami sian ragam ni parmaraan. Sai buhai ma rohanami marhitehite tondiM, asa hutanda hami godang ni silehonlehonMu di hami, asa lam girgir hami mandok mauliate tu Ho.
P          :  Sai urupi ma angka dongannami na so dapotan gogo na niula dohot angka na hurangan di ngolu pardagingon.
J           :  Unang loas nasida mandele, alai patogu ma haporseaon nasida manghirim tu Ho. Sai pasupasu ma niulanasida tu joloan on, asa lam marpos ni roha nasida tu Ho. 
P          :  Sai sungguli ma roha ni angka paradongan dohot maduma, asa olo nasida mangalehon deba sian artana i tu angka na hurangan, gabe dohot nasida marlas ni roha mamuji Ho.
J           :  Hupangido hami tu Ho Ale Jahowa ama nami, sai padao ma angka na naeng manegai na niulanami, asa tontong taruli hami di denggan ni basaM. Lehon ma gogo dohot haringgason di hami mulaulaon, ai ido pinangido ni roham marhitehite hataM na mandok : Na so ra mangula, unang ma ibana mangan.
P          :  Tangihon ma Ale Jahowa tangiang pamujion nami on, ala ni anakMu Tuhan Jesus Kristus, Tuhan nami. Amen. (Laos Rap hita mangido di bagsan tangiang Ale ama nami….. + Tangiang Pasupasu)

Tidak ada komentar:

Poskan Komentar

Loading...
SELAMAT DATANG